گوجرانوالہ میں 9 سال کا بچہ زیادتی کے بعد قتل

گوجرانوالہ : صوبہ پنجاب کے شہر گوجرانوالہ میں 9 سال کے بچے کو زیادتی کے بعد قتل کردیا گیا، پولیس نے ملزم کو گرفتار کرلیا۔

تفصیلات کے مطابق گوجرانوالہ کے علاقے نوشہرہ ورکاں میں 2 روز قبل لاپتہ ہونے والے 9 سالہ بچے کو زیادتی کے بعد قتل کردیا گیا۔

پولیس حکام کے مطابق دو دن پہلے لاپتہ ہونے والے بچے کی لاش سیم نالے سے ملی۔

بچے کے لاپتہ ہونے کے خلاف اہل علاقہ کی جانب سے سڑک بلاک کرکے شدید احتجاج کیا گیا تھا۔

پولیس حکام کے مطابق بچے سے زیادتی کرنے والے ملزم اشتیاق کو گرفتارکرلیا ہے جس نے دورانِ تفتیش جرم کا اعتراف کرلیا، پولیس نے ملزم کے خلاف مقدمہ درج کرلیا۔


زینب کےدرندہ صفت قاتل عمران کو 4 بارسزائے موت کا حکم


خیال رہے کہ گزشتہ روز لاہور کوٹ لکھپت جیل میں انسداد دہشت گردی کی خصوصی عدالت کے جج سجاد احمد نے ننھی زینب کے قتل کیس کا فیصلہ سناتے ہوئے قاتل عمران کو4 بارسزائے موت کا حکم دیا تھا۔

خصوصی عدالت نے مجرم عمران کو ایک بارعمر قید ،7سال قید، 32لاکھ جرمانے کی بھی سزا کا حکم دیا تھا ، قاتل عمران کو مختلف دفعات میں الگ الگ سزائیں سنائی گئیں تھیں۔

Share this on...Share on FacebookEmail this to someonePrint this page

Leave a Reply

Your email address will not be published. Required fields are marked *

گذشتہ شمارے