جب صحافی دلہن نے اپنی شادی کی بریکنگ نیوز خود دی

کراچی: صحافت کی دنیا ایک انوکھی دنیا ہے جہاں صحافیوں کو کبھی اپنے ہی اپنوں کی موت کی خبر دینی پڑ جاتی ہے، کبھی وہ کسی حادثے کا شکار ہو کر خود خبر بن جاتے ہیں، تاہم ایسا پہلی بار ہوا جب ایک نیوز اینکر دلہن نے اپنی شادی کی خبر خود بریک کی۔

اے آر وائی نیوز کی اینکر ارضیٰ خان رواں ہفتے شادی کے بندھن میں بندھنے جارہی ہیں۔

ارضیٰ کی خوشیوں کو دوبالا کرنے لیے اے آر وائی کے مارننگ شو میں میزبان صنم بلوچ نے ان کی ڈھولکی کا اہتمام کیا جس میں اے آر وائی نیوز کے تمام ستاروں نے شرکت کی۔

اس موقع پر صنم بلوچ نے ارضیٰ سے فرمائش کی کہ وہ اپنی شادی کی بریکنگ نیوز دیں جس پر ارضیٰ نے خوشی خوشی پیشہ وارانہ لہجے میں بریکنگ نیوز دیتے ہوئے اپنی شادی کا بتایا جس سے سب بہت لطف اندوز ہوئے۔

ارضیٰ نے اپنے دولہا کے بارے میں بھی بتایا کہ ان کا نام ذیشان علی ہے جو ایک ابھرتے ہوئے گلوکار ہیں۔

اس انوکھی بریکنگ نیوز سے وہاں موجود افراد اور ٹی وی دیکھنے والے سامعین بے حد محظوظ ہوئے۔ بعد ازاں سب نے ارضیٰ کو ان کی نئی زندگی کی مبارکباد اور نیک تمنائیں دیں۔

Share this on...Share on FacebookEmail this to someonePrint this page

Leave a Reply

Your email address will not be published. Required fields are marked *

گذشتہ شمارے